Zec 5 | TpiKJPB | STEP | ¶ Nau mi tanim, na litimapim tupela ai bilong mi, na lukluk, na lukim, wanpela rol i flai i go.

Zechariah 5

1 ¶ Nau mi tanim, na litimapim tupela ai bilong mi, na lukluk, na lukim, wanpela rol i flai i go. 2 Na em i tokim mi, Yu lukim wanem? Na mi bekim tok, Mi lukim wanpela rol i flai i go. Longpela bilong en em i 20 kyubit, na brait bilong en em i tenpela kyubit. 3 Nau em i tokim mi, Dispela em i dispela tok nogut i go ausait antap long pes bilong dispela graun olgeta. Long wanem, olgeta wan wan husat i stil bai God i rausim olsem long dispela sait bilong bihainim dispela. Na olgeta wan wan husat i wokim strongpela promis bai God i rausim olsem long hapsait bilong bihainim dispela. 4 Mi bai bringim dispela i kam, BIKPELA bilong ol ami i tok, na em bai go insait long haus bilong stilman, na i go insait long haus bilong em husat i giaman taim em i mekim strongpela promis long nem bilong Mi. Na dispela bai stap yet insait long namel bilong haus bilong em, na em bai kaikai dispela olgeta wantaim ol diwai bilong en na ol ston bilong en. 5 ¶ Nau ensel husat i toktok wantaim mi i go ausait, na tokim mi, Litimapim nau tupela ai bilong yu, na luksave long wanem samting em i dispela i go ausait. 6 Na mi tok, Em i wanem samting? Na em i tok, Dispela em i wanpela ifa, dispela i go ausait. Em i tok moa tu, Dispela em i wankain lukluk bilong ol namel long dispela graun olgeta. 7 Na, lukim, i gat wanpela talen led i stap antap. Na dispela em i wanpela meri husat i sindaun insait long namel bilong dispela ifa. 8 Na em i tok, Dispela em i pasin nogut. Na em i tromoi dispela i go insait long namel bilong ifa. Na em i tromoi hevi bilong led antap long maus bilong en. 9 Nau mi litimapim tupela ai bilong mi, na lukluk, na, lukim, i gat tupela meri i kam ausait, na win i stap insait long ol wing bilong ol. Long wanem, ol i gat ol wing olsem ol wing bilong wanpela stok. Na ol i litimapim dispela ifa namel long dispela graun na heven. 10 Nau mi tokim ensel husat i toktok wantaim mi, Tupela i karim ifa i go we? 11 Na em i tokim mi, Bilong wokim dispela i kamap wanpela haus long hap bilong Sinar. Na em bai kamap strong, na sindaun long dispela hap antap long as bilong em yet.